إن لله عباداً اختصهم بقضاء حوائج الناس،حببهم إلى الخير،وحبب الخير إليهم،هم الآمنون من عذاب الله يوم القيامة
شايقية راقية
عواطف سابل .الشايقية ...أم لتوأمتين........ من أوائل المغتربات هنا والنعم عندها زميلة لشقيقتي ليلى..... التقيتها في جمعية المرأة السودانية / أبوظبي ، توافقنا وتآزرنا
في كثير من المواقف الطيبة ...... جاءتني وفي حقيبة اليد تذاكر لإقامة حفل عاجل
وهي مسئولة عن العلاقات العامة..... وبدأت نقاش طويل عريض لإقناعي بالفكرة
والتنفيذ في نهاية الأسبوع .... والحالة طارئة...والاجتماع
الأخير قررنا فيه الاتفاق والتعاون قدر الاستطاعة..... رديت عليها وقلت ليها :ــ
خلينا في الاستطاعة أنا لا استطيع وكفاية على مسرحية النصف المر من برنامج التثقيف الصحي................................................................................
...... ردت عواطف : أنا ناقشت الموضوع مع رئيسة الجمعية وقالت:ـ
دا موضوع خاص بالمكتب الثقافي .... بعد حوار طويل وصلت لحل ... وقلت :ـ
ليها أنا ممكن اخذ منك تذاكر واديها لبعض الطالبات والطلبة وأسرهم أكثر من
كدا لا استطيع ... وخاصة الحفل يحتاج تصريح وطلوع ونزول مكاتب الشئون الاجتماعية
وإذن وخلافه....وافتكر دا دور الرئيسة ..........وافقت عواطف على الرأي وقالت لي أتصلك في المساء إذا توفقنا في إذن الحفل... ونحنا في غربة ...وكل شيء له قانون
وبالفعل اتصلت وقالت :ـ أذن الحفل يحتاج مدة أقلها ثلاثة أسابيع........!!!!
والمشكلة الحفل لسيد خليفة وهو مريض وعنده مقابلة مع دكتور في الأردن .
ولما قالت الموضوع مهم وأنا ارتبطت معه وقلت ليهو موضوعك سلمته للمكتب الثقافي.
وبدأ هو بنفسه يتابع مع عواطف وفي اللحظات الأخيرة قال ليها ممكن اكلم مسئولة المكتب الثقافي....
وفعلاً اتصل أول اتصال منه عرف نفسه ورحبت به وكلّي بهجة وعلقت قلت: ليهو
يا أستاذ أول مرة اسمع صوتك في الكلام زى صوتك في غناك!!!!!!! ورد علي...
دي ملاحظة بارعة يا أستاذة ........وكلمت كمال بكل الموضوع .... وقال:ـ موضوع الإذن فعلاً
يأخذ وقت ... لكن قولي ليهم اعملوها في فندق لتحصيل حاصل واتصلت بالأستاذ الفنان وأخبرته بفكرة الفندق وقال:ـ
لي الفكرة جميلة وشفتي..... لما الموضوع بقى فيهو راجل الحلول ظهرت
وضحك كمال ووعده خيراً ...اتصلت بعواطف وأخبرتها بالفكرة .. قالت لي ممكن
لكن الفندق لازم يأخذ مبلغ ونحنا عازيين مبلغ معتبر لأن الفنان في رحلة علاج. .عواطف اتصلت برئيسة الجمعية وأخبرتها ومشي الحال.... تم الحفل في فندق مرديان .
سافر الفنان سيد خليفة إلى الأردن وبعدها رجع السودان
..............وأخر شيء........ غني ...أودع .... أودع كيف!
فلنترحم جميعنا للفنان سيد خليفة .... ربنا يغفر له ويسكنه فسيح جنات النعيم .
